កំណាព្យ              ប្រវត្តិគ្រួសារសុភារ៉ា              (បទពាក្យប្រាំពីរ)

Read More…

១.    លើកកាព្យពណ៌នារឿងរ៉ាវពិត                         ស្តីពីជីវិតយុវតី

នាងមានកំណើតលើទឹកដី                             ពោធិ៍សាត់បុរីភាគខាងលិច។

២.    រៀបរាប់គ្រួសារភារ៉ាស្រី                                 បងប្អូនប្រាំបីច្រើនមិនតិច

ម៉ាក់ប៉ារក្សាជាប់ជានិច្ច                                  ទុកកូនស្មើពេជ្របមបីបាច់។

៣.    លោកពុកអ្នកម៉ែគាត់ធ្វើគ្រូ                             ជីវិតតស៊ូយ៉ាងប្តូរផ្តាច់

ពេលជួបខ្វះខាតម៉ាក់សម្រេច                         ចិត្តដាច់ឈប់ធ្វើគ្រូបង្រៀន។

៤.    គាត់បែរលក់ដូរនៅផ្ទះវិញ                              ក្រែងបានចំណេញសល់ធនធាន

ទុកសម្រាប់កូនបានទៅរៀន                           ព្រោះមានកូនច្រើនខំរកស៊ី។

៥.    ដំបូងរកស៊ីត្រឹមជិតផ្ទះ                                   ប្រឹងរកមិនឈ្នះក៏ផ្លាស់ទី

អ្នកម្តាយចេញចរដោយសំភី                           ខ្លះពុំវិលវៃជាច្រើនថ្ងៃ។

៦.    ភារ៉ានៅតូចជួយមើលប្អូន                               ធ្វើម្តេចជាកូនឃ្លាតម្តាយថ្លៃ

ដើម្បីបានប្រាក់តស៊ូក្រៃ                                 អ្នកម្តាយចរណៃប្រឹងឥតល្ហែ។

៧.    ខ្លះទៅស្រុកឆ្ងាយមួយអាទិត្យ                         ខ្លះទៅយូរជិតដល់មួយខែ

មុខរបរគាត់ធ្វើគ្មានអ្វីទេ                                 ទិញដូរពីគេអាវជជុស។

៨.    គាត់ទិញយកមកដូរយកស្រូវ                          ខ្លះទៅផ្លែឈើត្រីសាច់អុស

ជីវិតកម្សត់គួរស្រណោះ                                 អាល័យអាឡោះគ្រាលំបាក។

៩.    ចំណែកឯប៉ាខំដូចគ្នា                                     ប្រឹងធ្វើការងារពុំសម្រាក

ទំនេរបង់ត្រីលក់ឥតស្រាក                             ពេលខ្លះចេញធ្វើសំណង់។

១០.  គាត់ខំធ្វើការដើម្បីកូន                                   ជីវិតត្រូវសូន្យក៏លះបង់

ចិត្តលោកពុះពារមិនបង្អង់                              ចិត្តចង់ព្រោះកូនពុំអៀនខ្មាស់។

១១.  លំបាកមែនពិតលោកទូន្មាន                           កូនៗត្រូវរៀនយល់ឲ្យច្បាស់

ចំណេះចេះដឹងសំខាន់ណាស់                         ពេលពុកម៉ែចាស់គ្មានអ្វីចែក។

១២.  ពុកម៉ែខំប្រឹងឲ្យកូនរៀន                                 ព្រោះពុកម៉ែគ្មានទ្រព្យចំណែក

រៀនចេះចំណេះទើបជាឯក                             ពុកម៉ែទូលរែកព្រោះតែកូន។

១៣. ចំណែកភារ៉ាកុមារតូច                                   ខំរៀនមិនខូចជាមួយប្អូន

ថ្វីបើពុកម៉ែលោកជាក្បូន                                ក្នុងនាមជាកូនខឹតខំជួយ។

១៤.  ដើរលក់ព្រលឹតត្រកួននំ                                 ក្មេងមិនទាន់ធំកូនទីមួយ

រួមទាំងប្អូនដែរប្រឹងលើកស្ទួយ                         គ្រួសារជួបព្រួយប្រឹងស្រុះគ្នា។

១៥.  រៀនផងលក់ផងពុំខ្លាចហត់                            ភារ៉ាកម្សត់ពុំរួញរា

ដើរលក់តាមផ្សារផ្ទះនានា                              កាលណោះដូចជាថ្នាក់ទី៥។

១៦.  នាងដើរលក់ដល់ទីប្រាំបី                                វ័យនៅក្មេងខ្ចីចិត្តចងចាំ

ដល់ទីប្រាំបួនកើនមួយឆ្នាំ                               ភារ៉ាចេះចាំអាចលក់ដូរ។

១៧. លក់ដូរពេលថ្ងៃឈប់សម្រាក                          ពេលខ្លះចេញចាកខំតស៊ូ

ពេលមានបុណ្យទានគ្មានបន្ធូរ                         រៀបចំលក់ដូរនៅឯវត្ត។

១៨.  មិនតែប៉ុណ្ណោះភារ៉ាធ្វើ                                   សុទ្ធសព្វសារពើយ៉ាងអំណត់

ស៊ីឈ្នួលបោកគក់ពុំខ្លាចហត់                          ខំប្រឹងប្រាកដបានរៀនចប់។

១៩.  ក្រោយមកភារ៉ាហើយនឹងប្អូន                          ជាកូនដ៏ល្អប៉ិនប្រសប់

មករៀនបន្តល្អគួរគាប់                                   ពួកគេមានភ័ព្វគួរស្ញប់ស្ញែង។

២០.  ភារម្យត្រូវជាប្អូនភារ៉ា                                     អាចបានសិក្សាពីរកន្លែង

អាហារូបករណ៍ល្អជាក់ស្តែង                           សែនល្អក្រៃលែងគួរសរសើរ។

២១.  ក្រោយមកសម្រេចរៀនតែមួយ                       ព្រោះមានគេជួយគ្រប់ដំណើរ

សាលាបារាំងល្អប្រសើរ                                 ហូបចុកនៅលើគេចំណាយ។

២២.  ភារម្យរៀនព័ត៌មានវិទ្យា                                 ព្រោះគេធានាពុំខ្វល់ខ្វាយ

បោះបង់គីមីក៏មិនស្តាយ                                 ព្រោះត្រូវចំណាយឥតឈប់ឈរ។

២៣. ចំណែកភារ៉ាដែលជាបង                                រៀនផ្នែកគ្រប់គ្រងខាងទេសចរណ៍

ជំនាញដែលមានទីផ្សារល្អ                             អនាគតបវរប្រសើរក្រៃ។

២៤.  ២០១១ជួយត្រេកអរ                                      ភារ៉ាកូនល្អដូចចរណៃ

បញ្ចប់បរិញ្ញាដ៏ថ្លាថ្លៃ                                      ជីវិតមានន័យមានខ្លឹមសារ។

២៥.  ភារ៉ាកូនស្រីប្រពៃណាស់                                កិច្ចការរហ័សប្រឹងឧស្សាហ៍

ចិត្តប៉ងបំណងដូចប្រាថ្នា                                នេះចិត្តហានក្លាប្រឹងជំនះ

២៦.  ជូនពរភារ៉ាជួបជោគជ័យ                              គ្រោះភ័យឃ្លាតឆ្ងាយកុំប្រទះ

ជីវិតពន្លឺភ្លឺដូចមាស                                       ប្រាជ្ញាវ័យឈ្លាសឆ្លាតរហូត។

និពន្ធដោយ វ៉ន វីដា

១៦ ខែ កញ្ញា ២០១១

Advertisements

Posted on June 19, 2012, in Uncategorized. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: